Gerry Adams (Gearóid Mac Ádhaimh en iwerzhoneg) a zo ur politikour eus Iwerzhon, ganet d'ar 6 a viz Here 1948 e Béal Feirste, prezidant ar strollad Sinn Féin etre 1983 ha 2018. Dilennet eo bet meur a wech da gannad e Ti ar C'humunioù (Londrez) ma nac'has sezañ ennañ bepred ha kannad eo e Dáil Éireann e Dulenn abaoe 2011. D'an 10 a viz C'hwevrer 2018, e oa kemeret e gador gant Mary Lou McDonald goude un ardfheis (prezegenn ispisial) dreistordinal.